துப்பாக்கி விசை

வீட்டு மாடியில் தொலைக்காட்சி ஈர்த்திருந்த தன் பத்து வயது மகனை ஒருமுறை பார்த்துவிட்டு கீழிறங்கி வந்தார், ஊழல் புகாரொன்றில் சிக்கியிருந்த அந்த ராணுவ மேஜர்.
^^^
முன் வாசல் கதவை மூடிவிட்டு அக்கதவில் சாய்ந்தவாறு, பெரிதாக மாட்டப்பட்டிருந்த அவரின் குடும்ப புகைப்படத்தைப் பார்த்தபடி துப்பாக்கி விசையை அழுத்தினார்.
^^^
கதவின் ஒருபுறம் நிசப்தம், மறுபுறம் ஒருவனின் அலறல் சத்தம்.
^^^
பீட்ஸா ஒன்றிற்கு ஆர்டர் கொடுத்துவிட்டு, வெகுநேரமானதால் மாடியில் பொறுமை இழந்துத் தவித்துக் கொண்டிருந்தான் மேஜரின் மகன்.

தூண்டில்

பார்வைக் கொக்கிகளால்
கடலில் மிதக்கும்
மீன்பிடி படகுகளுக்குத்
தூண்டிலிட்டபடி நான்,
கரைதனில் கனவுகளுடன்.