இமை பூட்டும் என் கருவிழியில் சிறைபட்டவளும் நீ தான்
இமை கிழித்து நீர் வழி வெளி வந்தவளும் நீ தான்
பெரும் ஓவியங்கள் தோற்றிடும் பேரழகும் நீ தான்
நெடுந் துயரதில் எனை ஆழ்த்தியவளும் நீ தான்
சங்கக் கவிகளை உயிர்த்தெழச் செய்தவளும் நீ தான்
சகமனிதர்களைப் புன்னகையால் கொன்றவளும் நீ தான்
பெண்ணின் இலக்கணம் வரைந்தவளும் நீ தான்
பிரிவின் வலி நெஞ்சில் குத்தியவளும் நீ தான்
உடல் தின்னும் தீயைச் சுட்டவளும் நீ தான்
உயிர் போக்கும் அமிலத்தைச் சுரந்தவளும் நீ தான்
காதலின் அரிச்சுவடி எனக்குத் தந்தவளும் நீ தான்
காலனின் வருகை வழி காட்டியவளும் நீ தான்
என் கவிதைக்குக் கருப்பொருளாய் இருந்தவளும் நீ தான்
என் கண்ணீரின் காரணியாய் இருப்பவளும் நீ தான்।
(An inspiration from Vairamuthu's 'Duet' Lyrics )
0 comments:
Post a Comment