வார விடுமுறையில்
டவுன் வந்து
சினிமா பார்த்து
வெளியே வரும் போது
தினக்கூலி கண்ணனின்
பையில் பத்து ரூபாய் மட்டுமே.

நான்கு ரூபாய் பேருந்துப் பயணத்தைத் தவிர்த்து
ஒரு மணி நேரம் வெயிலில் நடந்து
வழியில் விசாரித்த நண்பனிடம்
உணவருந்தியதாய்ப் புழுகி
ஊர் வந்ததும்
பத்து ரூபாய்க்கு
டாப்-அப் செய்து
அவசரமாய்
நண்பர்களுக்கு ஃபார்வர்ட் செய்தான்.
நமீதா பற்றிய கிசுகிசுவை .